خطيبي أختـ,,ـفي قبل الفرح بشهر

فشوحلي بايده وهو ماشي ناحية أوضته وهو بيقول_ماهو كده كده بعد الخضة دي ممكن اجيب بطانيتي واجي عالكنبة اللي قصادك،، أصل هي ماكانتش ناقصة روشة أصلا…

وفعلا دخل نام وساب باب أوضته مفتوح ودا كان مطمني شويه فروحت في النوم وأول ما صحيت الصبح إتصلت بتيتا جدة أحمد وبلغتها بالحلم اللي حلمته واللي ماكنتش عارفه دا كان حلم ولا إيه فطلبت مني إني أروح لها أول ما ينفع أخرج فماكدبتش خبر وقولت لها أنا جيالك حالا قبل ما بابا يرجع من الشغل ومجرد ما وصلت عندها لقيتها منتظراني تحت قدام بيتها واخدتني وركبنا توكتوك قعد يدخل بينا في شوارع

ومدقات تحت الدائري ومحاوره لغاية ما وصلنا بيت قديم وفي وشه محل ميكانيكي بتاع تكاتك فوقف التوكتوك قدامه ونزلت أنا وهي دخلنا ناحية شـ,,ـقه في الدور الأرضي وخبـ,,ـطنا على بابها ففتحت لنا البنت الصغيرة مرافقة الحجة سليمه واللي لما ركزت في ملامحها لقيتها فعلا طفله بريئة ومستحيل تكون هي اللي كانت عندي في الأوضة إمبارح بالليل،، وإن اللي كان عندي أكيد روح متجسـ,,ـده في صورتها فسلمت عليها وابتسمت لها المرة دي ومديت إيدي في شنطتي وطلعت عشرين جنيه وعطيتهالها في السر وكان باين عليها الفرحة وهي بتخبيها قبل ما حد يشوفها،، فاتأكدت فعلا انها طفلة بريئة مغلوبة على أمرها…

ومجرد ما قعدنا في أوضة الكنب لقيت الحجة سليمة جايه بتتعكز على عكاز ها لغاية ما قعدت على طرف الكنبه اللي أنا قاعدة عليها وقالت وهي باصه لقدام _قربي يابنتي ناحيتي

فقربت منها لغاية مابقي بيني وبينها مافيش شبر واحد فمدت أيدها تحسس جنبها لغاية ما مسكت إيدي وقالت لي_إحكي يا صبيه كل اللي شفتيه ليلة إمبارح..

فبدأت أحكيلها اللي شفته وإحساسي من وقتها بإن في حد بيراقبني خاصة إن إحساسي دا زاد من وقت ما دخلت عندها

فكانت بتسمع وهي بتهز راسها لغاية ما خلصت كلامي ففضلت تدندن بترانيم غريبة وهي باصه للسقف وبتطوح راسها يمين وشمال وبعدها قالت_خطيبك مـ,,ـات خلاص يا صبية،،مـ,,ـات مغدور وروحه نافره وهايمه حواليكي وعايزه تحضر في أي جسـ,,ـد من تاني

ساعتها كان كلامها عن مـ,,ـوت أحمد عامل زي رصاصة الرحمة بالنسبة لي،، واللي جات عشان ترحمني وتأكد كل اللي كان جوايا لكن الغريب إن كان مرتبط بكلامها علامة استفهام جديدة

فسألتها وانا نفسي مكتوم ونفسي أعيط ومش قادرة=يعني إيه يا حجه؟؟

فرجعت بصت قدامها _زي تناسخ الروح كده يا صبية،، عمرك ما سمعتي عنه

=لأ سمعت

فحطت أيدها على كتفي وقالت_ هو بقا روحه حايمه حواليكي من ساعة ما وصلك في الجلسة وماعدش عايز يسيبك لانه متعلق بيكي ومنتظر إنه يحضر في جسـ,,ـد يكون من خلاله قريب منك،، وساعتها ممكن لما يرجع ينتقـ,,ـم من اللي غدروا بيه..لكن هو تعلقه الأول بيكي أنتي،،

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

=طب وهو دا ممكن يحصل يا حجة سليمه؟؟

_بتسألي عشان نفسك يحصل ولا بتسألي للعلم بالشيء؟؟

=بسأل للعلم بالشيء

_منين ما هيحضر الجسـ,,ـد اللي ينفع يسكن جواه ويبقى جنبك،، هيبان ينفع ولا ماينفعش والمكتوب على الجبين لازم تشوفه العين يا صبية… يتبع

الجزء الأخير من هناااااااااااااا

4

خطيبي أختـ,,ـفي قبل الفرح بشهر

الجـ,,ـني اللي سكن جوزك يا أبله هو الجـ,,ـني اللي هي معزماه عليا وبتحضره بالطقس اللي شفتوه في الغرفه فهي بتعمل كل طقوس الاستدعاء زي الرسم على الارض والحيطان والتعاويذ اللي بترددها عشان تستدعيه بيها لغرفة التحضير لكن الجملة او التعويذه اللي من خلالها بيسكن جسـ,,ـدي،،

فدي انا اللي كنت بقولها بتمتمه قبل ما ابدأ في الصريخ،، كنت بقول ( توربيانو قوربني لاتورم فيرنامز سوانو راما) تلات مرات…

فاحنا لو حضرناه في غرفه يعني جبنا جوزك في الغرفة وظبـ,,ـطنا باقي الطقس اللي هو الدايره والست شمعات اللي هتقعدوا حواليهم مش هنبقى محتاجين للي بتقوله ستي سليمة وساعتها لازم يسيب جسـ,,ـد جوزك ويحضر في جسـ,,ـدي غصب عنه طالما قلت العزيمة وماينفعش يرجع جسـ,,ـد جوزك الا بتحضير جديد لكن لازم واحده منكم تنهي الجلسة زي ما سليمه بتنهيها قبل ما اتخنق لاني مابستحملش حضوره بالعزيمة دي اكتر من مده بسيطة جدا يمكن دقيقة ولا دقيقتين..

فلازم تطفي خمس شمعات جنب بعض وتسيب شمعه ماتطفيهاش الا بعد ما اكح السر من جوفي واول ما السر ينزل على الارض يتاخد على قماشه بيضه تشربه قبل ما يسيح في الارض وبعد كده تتحرق القماشه في نفس الليلة وساعتها الجـ,,ـني دا هيتحرق بلا رجعة لكن لو مالحقتونيش ونهيتو الطقس زي ما بقول همـ,,ـوت والسر مش هيطلع من جوفي والجـ,,ـني هيتحرر زي دخان بعد مـ,,ـوتي زي ما حصل مع دعاء البنت اللي كانت شغاله مع سليمه قبل مني

وقتها بصيت أنا وطنط ساميه لبعض وإحنا مش عارفين إزاي هنعمل كده فالبنت لقيتنا خايفين فقالت_ على فكرة هو مادام ساكن جسـ,,ـد بشري فسارية عليه احكام البشر يعني تقدروا تكتفوه مثلا في الاوضه لغاية ما ننهي العزيمة ويخرج من جـ,,ـسد جوزك…

ساعتها قررنا نروح لتيتا ونحكيلها عشان تساعدنا في طقس التحضير ونسيب عندها هبه لغاية ما نحضر الطقس ونشوف هنعمله ازاي

وروحنا بعدها واحنا عمالين نفكر هل نكتفه وهو نايم ولا نحطله مخـ,,ـدر في الاكل ولا نعمل ايه لكن مجرد ما وصلنا لقيناه منتظرنا في البيت وعينيه كلها غيظ فأول ما شافنا قال_انتوا كنتوا فين؟؟

فردت طنط ساميه=كنا بنشتري طلبات

ساعتها برق بعينه أكتر وجا ناحيتنا وسحبني من أيدي وكان بيجرجر فيا عالاوضه وهو بيقول_خلاص مادام بقيتوا سمنه على عسل كدا فانا خلاص ماعدتش هستحمل اكتر من كده…

وراح راميني على السـ,,ـرير وكان تقريبا بيقطـ,,ـع في هدومي وقت ما كنت بحاول أضـ,,ـرب فيه وابعده عني وفي نفس الوقت لمحت طنط داخله وفي إيدها فازة كبيرة فمحاولتش التفت ناحيتها لغاية ما وصلت عند السـ,,ـرير ونزلت على دماغه لكن مافقدش الوعي ولقيته اتدور ناحيتها وراح مسكها من رقبتها لما كانت راسه بتنـ,,ـزف د,,م فقمت ساعتها بسرعة ومسكت الاباجورة وضـ,,ـربته في نفس المكان وساعتها وقع على الارض على بطـ,,ـنه والغريب ان كانت عينيه شبه مفتحه وبيتنفس لكن ماكانش بيقاوم فجرينا بسرعة جبنا لفات حبال غسيل وفضلنا نربط فيه وربطنا راسه بشاش وبعدها اتصلنا بتيتا وقلناله لازم تحضر حالا هي وهبه لان ماكانش في وقت لتخطيط وتدبير جديد

وعلى ما وصلوا كنا عملنا الدايرة بالست شمعات في الاوضه اللي رمينا فيها جـ,,ـسد سيد وكنا عاملين حواليها دايره اكبر بقماش ابيض كنا مغطيين بيه معظم الغرفة وجات هبه قعدت في وسط دايرة الشموع وطفينا النور وقعدنا حواليها احنا التلاته مشبكين ايدينا في ايادي بعض وبدأت تردد

( توربيانو قوربني لاتورم فيرنامز سوانو راما)

( توربيانو قوربني لاتورم فيرنامز سوانو راما)

( توربيانو قوربني لاتورم فيرنامز سوانو راما)

وقتها بدأ جسـ,,ـم سيد ينتفض ويغرغر في اللحظة اللي بدأت فيها هبه تصـ,,ـرخ صـ,,ـرخات متتابعه وبدأت المح العشر اقزام على الحيطة لغاية ما فجأة هدى جسـ,,ـم سيد ووقفت صـ,,ـرخات هبه وساعتها روحت عشان اطفي الشمع فنفخت شمعتين وقت ما ايد هبه نزلت على وشي بكل عنـ,,ـف فاترمـ,,ـيت على الارض بعيد وهبه انتفضت واقفه في مكانها فجات تيتا تنفخ في الشمع ف هبه ضـ,,ـربتها بضهر ايدها فوقعت مغمى عليها في الوقت اللي كانت طنط ساميه طفت شمعة كمان فهبه نزلت بكوعها على راسها في الوقت اللي بدأ جسـ,,ـم هبه يزرق…

وقتها كنت انا مرمية على الارض وطنط وتيته فاقدين الوعي وماكنتش قادرة اتحرك وبحاول ازحف ناحية الشمع وهبه واقفه في طريقي وكل شويه الزراق بيزحف على جسـ,,ـمها وبدأت تنهج لكن عينها كانت بتلمع بالغيظ لغاية ما فجأة حسيت بحاجه بتطير فوق هبه،،

كان سيد اللي طار فوقها وشالها من طريقي فكملت زحفي وطفيت الشمعتين فبدأت هبه تكح لغاية ما لفظت نفس الحاجه السوده

فطفيت الشمعه الاخيرة

وبعد ما ولعنا النور وتيتا وطنط ساميه وهبه فاقوا ولعنا في حتة القماش

……..

تيتا اتبنت هبه

وسيد طلقني لانه ماصدقش ولا حرف من اللي قعدنا كلنا نحكيله عليه كتفسير للي شافه ساعة ما فاق وقت الجلسة لكن ماكنتش زعلانه وكنت راضية لان حقيقي انا اللي غلطت في الاول لما كنت زي المجـ,,ـنونة ووافقت ان يوصل بيا الحال اني احضر جلسة سحـ,,ـر وشـ,,ـعوذة عشان اوصل لاحمد الى جانب اني فعلا خلاص زهدت في حاجة اسمها رجاله بعد اللي شفته

تمت